Vedat Muriqi drejt largimit nga Mallorca, Betisi shpreh interes për të

21:08 | 27 Nëntor 2023
D.H

Vedat Muriqi vazhdon ta ketë të në pikëpyetje të ardhmen e tij te Mallorca apo do të largohet.

Sulmuesi kosovar ka dy vite që është pjesë e klubit spanjoll dhe ka shkëlqyer duke qenë lider i kësaj skuadre.

Megjithatë në mediat spanjolle burojnë shumë lajme sa i përket të ardhmes së tij duke u lidhur me klube të ndryshme.

Real Betisi është skuadra e radhës që është futur në garë për transferimin e sulmuesit kosovar.

29-vjeçari pëlqehet shumë nga trajneri i Betis, Manuel Pellegrini i cili i ka kërkuar drejtuesve të klubit transferimin e kosovarit në janar, në mënyrë që ta ketë një armë shtesë në repartin ofensivë.

Edhe pse prizrenasi vlerësohet shumë nga Mallorca, një ofertë prej 20 milionë euro mund ta bëjë skuadrën ishullore që ta lejojnë largimin e tij./telegrafi